Obxectivos e fins

SIPPREGA defende os intereses do profesorado de Relixión de Galicia .

Como sindicato independente estamos en contacto permanente coa Consellería de Educación, coa Igrexa Diocesana, co Ministerio de Educación e coa Conferencia Episcopal.

A maior das nosas reivindicacións é a defensa da materia de Relixión dentro do sistema educativo español, en igualdade de condicións que as demais materias. En SIPPREGA estamos convencidos de que sen materia de Relixión no sistema educativo español, non hai dereitos laborais que defender.

A nivel autonómico queremos defender os dereitos laborais adquiridos e, chegado o momento, melloralos.

Outros obxectivos fundacionais son:

Os nosos obxectivos

SIPPREGA leva na base dos seus estatutos a defensa da materia de Relixión dentro do currículo escolar e tamén a defensa do igual tratamento que o resto de materias

DEFENDER a presenza da área/materia de Relixión como parte fundamental do currículo educativo, indispensable para o desenvolvemento integral da persoa e a transmisión da cultura e os valores.
PROMOVER E ESIXIR, por cantos medios sexan pertinentes, que a área/materia de Relixión se recoñeza e se valore nos centros educativos de Galicia en pé de igualdade co resto de materias do currículo e de acordo coa Lei e o Dereito.
PROTEXER de maneira máis persoal e libre, directa e democrática os dereitos e intereses laborais, económicos, académicos, profesionais e sociais do profesorado de Relixión de Galicia, de acordo co que respecto diso se establece no apartado segundo da Disposición Adicional 3ª da LOE “A regulación do seu réxime laboral farase coa participación dos representantes do profesorado”.
PROMOVER a imaxe pública do profesorado de Relixión, para que nos centros educativos e na sociedade se recoñeza e valore o seu traballo.
DIALOGAR E COLABORAR coas diferentes Confesións Relixiosas, Administración Educativas, Asociacións de Pais e Nais, e Organizacións Sindicais en todo aquelo que resulte de interese para a mellor defensa e apoio das xustas reivindicacións da materia e o profesorado.