Quen Somos

O sindicato SIPPREGA, (Sindicato Independente e Profesional de Profesores de Relixión de Galicia) somos un grupo de profesores de Relixión que, motivados pola nosa paixón e vocación docente, decidimos xuntarnos para defender os nosos dereitos, á materia de Relixión dos ataques que padece e tamén ao alumnado para que poida escoller a formación relixiosa no seu currículo.

A nosa Historia

SIPPREGA nace o 30 de xuño do 2010 da iniciativa dun grupo de profesores de Relixión de Galicia coa finalidade de defender e dignificar a área/materia de Relixión e, así mesmo, de promocionar e protexer de forma máis persoal e libre, directa e democrática, sen intermediacións ideolóxicas nin políticas, os dereitos e intereses laborais, económicos, académicos, profesionais e sociais do profesorado de Relixión de Galicia.

Xunta de Goberno

A Xunta de Goberno de SIPPREGA está formada por profesores e mestres das diferentes etapas educativas e nela están representadas as catro provincias galegas.